Kung ang Diyos ay ipinalagay na kapareho ng enerhiya, ito ay magsisilbing tulay sa pagitan ng espiritwal at siyentipikong pananaw, na nagbibigay ng pinag-isang pag-unawa sa sanhi ng pag-iral (existence) ng lahat ng bagay. Sa ganitong balangkas, ang Diyos-bilang-enerhiya ay maaaring makita bilang ang Alpha at Omega, ang simula at ang wakas.
Ang katotohanang ang enerhiya ay hindi nalilikha o nawawala ay nagbibigay-linaw sa mga tanong gaya ng:
Kailan nilikha ang sansinukob? — Wala itong simula at walang lumalang dito sapagkat ito mismo ang lumilikha.
Ang tanong tungkol sa ebolusyon — Ang pagbabago ng enerhiya patungo sa materyal at muling pagbabalik sa enerhiya ay nagpapatunay na ang lahat ng bagay ay nagbabago at umuunlad.
Ang konseptong ito ay sumasalamin sa maraming espiritwal na kahulugan ng Diyos bilang walang simula, walang hanggan, walang katapusan, at hindi nagbabago sa diwa, ngunit may iba’t ibang anyo at dinamiko sa pagpapahayag. Ang Diyos-bilang-enerhiya ay maaaring maunawaan bilang ang pundamental na puwersa sa likod ng lahat ng paglikha, ang “source code” kung saan nagmumula at umuunlad ang lahat ng bagay, at kung saan sa huli ay bumabalik—mula alabok hanggang alabok.
Ang paghahanap sa Diyos ay dinamiko—iba’t ibang kultura ang gumagamit ng iba’t ibang salita, ngunit pareho ang kahulugan. Ang Diyos ay maaaring ang Allah ng Islam, ang Yahweh ng mga Hebreo, ang Banal na Trinidad ng mga Kristiyano, ang Brahman ng mga Budista, ang Ahora Mazda ng mga Zoroastriano, ang Kabunian ng mga taga-Cordillera, ang Bathala ng mga Tagalog, at iba pa.
Ang mga karaniwang katangian ng Diyos na ito ay 1. pagiging nasa lahat ng dako (omnipresence), 2. makapangyarihan sa lahat (omnipotence), 3. marunong sa lahat ng bagay (omniscience), at 4. walang hanggan (eternal)—at ang lahat ng katangiang ito ay may katumbas na ngayon sa agham: enerhiya.
Bagamat maaaring mangailangan ng panahon upang mapalitan ang pananaw tungkol sa Diyos mula sa mitolohiya at relihiyon, ang paglipat tungo sa siyentipikong pag-unawa ay unti-unting magpapaunlad sa wika ng sangkatauhan—na ang mailap na Diyos ng nakaraan ay sa katunayan pala ay ang (Dibinong) Enerhiya na siyang pinagmumulan ng lahat ng bagay sa Sansinukob, kabilang na ang buhay ng tao.